aberrance.in

महफ़ूज़ (Hindi)

  •  
  •  
  •  
  •  
  •  

Ae dil tu mehfuz reh,
thoda darr thoda saham ja,
tu dhadak par thoda ghabra,
kya pata kaun tujhse muh mod jaye,
na kar kisi pe aitbaar
jo tere aitbaar ko hi
sheesha samajh kar na jaane
kaun tujhe ek baar me tod jaye,

Ae dil tu reh mehfuz
ki tere galiyaaro me
jab bhi koi gulaab khile
to tujhe uske saundarya
aur mehek ka aabaas na ho
kyuki jab wo gulaab tere baagh se toote
tu na tadape
tu na roye
aur bas tu tere taraane gungunaye

ae dil tu mehfuz reh itna
ki koi tere se na khel paye
na koi tere se itna mel khaye
ki jab bhi tu koi awaaz uthaaye
uss awaaz ko ruh sabdo me pirota jaye
tujhpe hue jo pehle itne sitam
unse seekh lekar dimaag bhi sambhal jaye
fir ye jindagi ko tu jaisa nihaare
waisi hi jindagi tu bas jeete jaye

ae dil tu mehfuz reh
aur bas unko basne de
jinke basne pe tere ko
na koi ghaat aaye na koi dard aaye
bas har dhadkan pe tu
tere khud ke taraane gaaye
aur tu jeete jaye bas jeete jaye
ae dil tu mehfuz reh


  •  
  •  
  •  
  •  
  •  

Leave a Comment

Your email address will not be published. Required fields are marked *